ഉണരാനൊരുമാത്ര വൈകിപ്പോയി
ഞാനുണരും മുമ്പേ , നീ മടങ്ങിപ്പോയി
ഉറങ്ങാതിരിക്കാൻ കഴിഞ്ഞില്ലല്ലോ,
നീ, മടങ്ങും മുമ്പേയുണരാനും.
നിഴലും നിലാവുമിണചേരുമീ
നിശയുടെ മാറിൽ മുഖം ചേർത്തുഞാൻ
നിലാമഴ നനഞ്ഞു കുളിരീറനായ്‌
നിരവദ്യ മോഹനലീലയാടി.
നിന്നോർമ്മതൻ തളിരണിയൂഞ്ഞാലാടി
നിൻ ചാരേയണഞ്ഞു ഞാൻ കാമിനിയായ്‌
നിൻ മോഹനമുരളിയിലലിഞ്ഞലിഞ്ഞു ഞാൻ
നിലാശയ്യയിൽ വീണലിഞ്ഞു ഞാൻ
കനവിന്റെ കളിയോടം നീ തുഴഞ്ഞു - നമ്മൾ ,
കതിരണി വയലിൻ മറുകരയിൽ ,
കനകമന്ദാരപ്പൂമാല ചൂടി
കരളും മിഴിയും നിറഞ്ഞു നിന്നു
ചെറുപരലുകൾ തുള്ളുമീ പുഴനീരിൽ നാം
വാൽക്കണ്ണാടി നോക്കി മുഖം മിനുക്കി
എൻ മിഴികളിൽ നിന്നെ തിരിച്ചറിഞ്ഞു
ആ സുന്ദരനിമിഷം ധന്യമായി.
വയൽ വരമ്പിലെ മുനിയാം കൊറ്റിയോട്‌
വരമേകണേയെന്ന് നമ്മൾ ചൊല്ലി
കിലുകിലെ കൈവളപ്പാട്ടുകേട്ടു
ചിത്രപതംഗമായ്‌ പാറിപ്പറന്നകന്നു
കൈനാറിപ്പൂമണം തേടിത്തേടി
കാട്ടുകൈത തൻ ചോട്ടിലായ്‌ നമ്മൾ നിന്നു
കണ്ണാരം പൊത്തിക്കളിച്ചനേരം
കാട്ടുവല്ലികൾ മിഴികൂമ്പി നിന്നുവല്ലോ
കണ്ണുതുറന്നു ഞാൻ നോക്കിയപ്പോൾ
കണ്ടില്ല , നിന്നെത്തിരഞ്ഞു ഞാൻ
പിൻ വിളി കേൾക്കാനായ്‌ കാതോർത്തു ഞാൻ
കേട്ടില്ല നിന്നെ കണ്ടുമില്ല്ല
ഉണരാനൊരുമാത്ര വൈകിപ്പോയി
ഞാനുണരും മുമ്പേ നീ മടങ്ങിപ്പോയി.
ഒരുമാത്രയെനിക്കായ്‌ കാക്കുമെന്ന്
വെറുതെ , വെറുതെ ഞാനാശിച്ചു പോയി
ഏവരുടെയും അഭിപ്രായം ക്ഷണിക്കുന്നു.
രണ്ടു രീതിയില്‍ നിങ്ങള്‍ക്ക് കമന്റ് ചെയ്യാം.
-------------------
Presented by: ഗുരു @ കുഴല്‍വിളി
Presented by: ഗുരു @ കുഴല്‍വിളി
1.) നിങ്ങള്‍ക്ക് ഫേസ് ബുക്ക്‌ അക്കൗണ്ട്‌ ഉണ്ടെങ്കില്‍ ഫേസ് ബുക്ക്‌ കമന്റ് ബോക്സില്‍ കമന്റ് ചെയ്യൂ.
2.) രണ്ടാമത്തെ കമന്റ് ബോക്സില്‍ അഭിപ്രായം രേഖപ്പെടുത്തുന്നതിന് നിങ്ങള്‍ ഈ സൈറ്റിലെ മെമ്പര്‍ ആയിരിക്കണം. 'JOIN THIS SITE with google friend connect' എന്ന തലക്കെട്ടോടെ വലതു വശത്തെ സൈഡ്ബാറിലെ ബോക്സ്‌ വഴി ഈ സൈറ്റിലെ മെമ്പര്‍ ആയിട്ടുണ്ടെങ്കില്‍ മാത്രമേ ഈ കമന്റ് ബോക്സ്‌ വഴി അഭിപ്രായം രേഖപ്പെടുത്താന്‍ പറ്റുകയുള്ളു.
മലയാളത്തില്‍ എഴുതുവാന്‍: താഴെ കാണുന്ന
..........മലയാളത്തില്‍ ടൈപ്പ് ചെയ്യുവാന്‍ ഇവിടെ ക്ലിക്ക് ചെയ്യുക........
എന്ന ലിങ്കില്‍ ക്ലിക്ക് ചെയ്ത് തുറന്നു വരുന്ന കോളത്തില്‍ മന്ഗ്ലിഷില്‍ എഴുതിയ ശേഷം keybord- ഇല്‍ Space bar അമര്‍ത്തുക .
ശേഷം കോപ്പി ചെയ്തു താഴെ കമന്റ് കോളത്തില്‍ പേസ്റ്റ് ചെയ്യുക
No comments:
Post a Comment